Line of Control
کوٹلی : جنگی جنون میں مبتلا مودی سرکار کے امن پر وار جاری ہیں، شرپسند بھارتی فوج کی بلااشتعال فائرنگ سے ایک بار پھر نکیال سیکٹر گونج اٹھا، پاک فوج بھارتی جارحیت کا منہ توڑ جواب دے رہی ہے۔
شرپسند بھارت کی ہٹ دھرمی کا سلسلہ کئی روز سے مسلسل جاری ہے، امن کی دشمن بھارتی فورسز کی لائن آف کنٹرول اور ورکنگ باؤنڈری پر جنگ بندی معاہدے کی خلاف ورزیاں تسلسل سے جاری ہیں۔
کوٹلی کے علاقے نکیال سیکٹر میں ایک بار پھر جنگی جنون میں مبتلا بھارتی فورسز نے تمام اخلاقی اور قانونی حدیں پار کر دیں اور شہری آبادی کو نشانہ بنایا۔بھارتی فورسز نے نکیال سیکٹر کے گاؤں داٹوٹ پر فائرنگ اور گولہ باری کی، شہری آبادیوں پر فائرنگ اور گولہ باری سے درجن سے زائد گھروں کو نقصان پہنچا ہے۔
بھارتی فورسز کی فائرنگ اور گولہ باری سے شہریوں کو شدید مشکلات کا سامنا ہے ادھر پاکستان کے سرحدی محافظ بھارتی اشتعال انگیزی کا بھرپورجواب دیا جا رہا ہے۔
