لاہور (ویب ڈیسک) رانا ثناء اللہ نے پیپلزپارٹی کے خلاف بنائی گئی جے آئی ٹی کے اجلاس بنی گالہ میں ہونے کا دعوی کر دیا۔ انہوں نے کہا میٹنگ میں غلطی سے بلاول کی ویڈیو چل گئی، سب نے قہقہہ لگایا، فواد چوہدری کی آواز سب سے بلند تھی راناثنا اللہ نے میڈیا سے گفتگو کرتے ہوئے کہا نواز شریف انتقامی کارروائی کا سامنا کر رہے ہیں، انتقامی عمل کی وجہ سے ملک میں عدم استحکام پیدا ہو رہا ہے، ملک میں دہشتگردی دوبارہ سر اٹھا رہی ہے۔ انہوں نے کہا ملک میں کاروبار بالکل منجمد ہوکر رہ گیا ہے، حکومتی وزرا بد زبانی کےسوا کچھ نہیں کر رہے، حکومت کے پاس کوئی پالیسی ہے نہ وژن، حکومت پارلیمانی کمیٹی سے اب راہ فرار اختیار کر رہی ہے۔ پاکستان مسلم لیگ نون کے رہنما مشاہد اللہ کا کہنا تھا حکومتی وزرا کرپٹ ترین ہیں، عمران خان صرف اپوزیشن کا احتساب کر رہے ہیں، فارورڈ بلاک وہی بناتا ہے جو پارٹی میں ہوتا ہے۔