امریکی میڈیا کی رپورٹس کے مطابق اسکار موچی نے اپنا استعفیٰ جان کیلے کو پیش کیا اور ان سے درخواست کی کہ انہیں دوبارہ سے امریکا کے ایکسپورٹ امپورٹ بینک کا چیف اسٹریٹجی آفیسر تعینات کر دیا جائے۔ واضح رہے کہ چند روز قبل اینتھونی اسکارموچی نے وائٹ ہاؤس کے چیف آف اسٹاف رینس پری بس کو ذہنی بیماری میں مبتلا پاگل شخص قرار دیتے ہوئے ان پر صحافیوں کو معلومات افشاں کرنے کا الزام بھی عائد کیا تھا۔ جس پر ڈونلڈ ٹرمپ نے اسی روز ایکشن لیتے ہوئے انہیں عہدے سے ہٹانے کا اعلان کردیا تھا۔ اس کے علاوہ وائٹ ہاؤس کے پریس سیکرٹری شون اسپائسر نے بھی چند روز قبل ڈونلڈ ٹرمپ کی جانب سے اسکار موچی کو ڈائریکٹر کمیونیکیشن وائٹ ہاؤس تعینات کرنے پر تحفظات کا اظہار کرتے ہوئے اپنے عہدے سے استعفیٰ دے دیا تھا۔