White mansion Road

شیخوپورہ(بیورورپورٹ) شہر کے قدیمی علاقہ چٹی کوٹھی روڈ کے مکین زیر تعمیر سڑک کے کام کو نمبٹانے میں تاخیر اور ٹھیکیدار کی بے ضابطگیوں پر سراپا احتجاج، تفصیلات کے مطابق مذکورہ روڈ کی تعمیر کے منصوبہ کی تکمیل میں نہ صرف جان بوجھ کر ٹھیکیدار کی طرف سے تاخیر کی جارہی ہے بلکہ سڑک پر ڈالے گئے خاکہ کے خشک ہونے کے باعث اڑنے والی دھول سے مقامی شہری اور مسافر شدید متاثر ہورہے ہیں جس کے باعث انہیں سانس کی بیماریاں لاحق ہورہی ہیں جبکہ شہریوں کی طر ف سے ٹھیکیدار سمیت دیگر متعلقہ حکام کو آگاہ کئے جانے کے باوجود اصلاح و احوال ممکن نہیں بنایا گیا، جس پر مقامی شہریوں نے اتوار کے روز شدید احتجاج کرتے ہوئے ڈی سی او ارقم طارق سے مطالبہ کیا کہ وہ مذکورہ روڈ پر جاری تعمیراتی کام کا جائزہ لیتے ہوئے اس منصونہ میں استعمال ہونے والے میٹریل اور زیر تعمیر روڈ پر ڈالے گئے خاکہ کو تر نہ رکھے جانے پر کاروائی عمل میں لائیں وگرنہ آئندہ احتجاج ڈی سی او آفس کے سامنے کیا جائے گا۔