World Bank
اسلام آباد (یس ڈیسک) ورلڈ بنک نے پاکستان کے لئے قرضے کی منظوری دے دی، پانچ کروڑ ڈالر سندھ میں معاشی حالات کی درستگی پر خرچ ہوں گے۔
عالمی بنک کے اعلامیے کے مطابق قرض پچیس سال کی مدت کے لئے ہو گا، جبکہ پانچ سال کی رعایتی مدت ہو گی۔
منصوبے سے خدمات کے شعبے میں سیلز ٹیکس کے محصولات بڑھانے میں مدد ملے گی جبکہ بجٹ کے عمل کو بھی بہتر بنایا جاسکے گا۔ منصوبے کے تحت مالی اور فنی امداد فراہم کی جائے گی۔
