World Cup Cricket

ڈھاکا….ایشیا کپ ٹی ٹوئنٹی ایونٹ بھرپور انداز میں جاری ہے ، آج ،متحدہ عرب امارات کا سامنا بنگلہ دیش سے ہوگا،میچ پاکستانی وقت کے مطابق شام ساڑھے چھ بجے شروع ہوگا۔
ڈھاکہ میں جاری ایونٹ کےتیسرے میچ میں آج بنگلہ دیش اور نیو کمر یو اے ای کے درمیان کھیلا جائےگا،ہوم گراؤنڈ ہونے کی وجہ سے بنگلہ دیش کو جہاں نفسیاتی برتری حاصل ہے ،وہیں بھارت کے خلاف پہلے میچ میں شکست سے بنگلہ دیشی کیمپ میں کچھ پریشر ضرور ہے۔
تاہم کپتان مشرفی مرتضی پر امید ہیں کہ آج با آسانی کامیابی ان کے اکاونٹ میں آجائے گی ،دوسری جانب یو اے ای کرکٹ بے بی ضرور ہے ،لیکن سری لنکا کے خلاف گزشتہ روز کھیلے گئے میچ میں مخالف کو مشکلات کا شکار ضرور کئے رکھا ۔کپتان امجد جاوید کا کہنا ہے کہ اچھی ٹیموں کے خلاف کھیل کر ان کے تجربے میں اضافہ ہوگا،دونوں ٹیموں کے درمیان میچ پاکستان وقت کے مطابق شام ساڑھے چھ بجے کھیلا جائےگا۔