World Cup qualifying

دھرم شالہ ………ورلڈ ٹی ٹوئنٹی کوالیفائنگ رائونڈ میںعمان نے آئرلینڈ کو دو وکٹ سے شکست دے کر ٹورنامنٹ کا پہلا اپ سیٹ کر دیا۔
دھرم شالہ میں کھیلے گئے میچ میں آئرلینڈ نے پہلے کھیلتے ہوئے پانچ وکٹ پر 154 رنز بنائے ،ولسن 38 رنز بناکر نمایاں رہے۔اسٹرلنگ اور پوٹرفیلڈ نے 29،29 رنز کی اننگز کھیلی۔جواب میں عمان کے اوپنرز ذیشان مقصوداور خاور علی69 رنز کا آغاز فراہم کیا۔ذیشان 38 اور خاور 34 رنز بناکر آئوٹ ہوئے۔اس کے بعد عمان کی مزید تین وکٹیں 12 رنز کے اضافے کے ساتھ گر گئیں ۔ اس موقع پر ساتویں نمبر پر بیٹنگ کرنے والے عامر علی نے میچ کا نقشہ ہی بدل دیا۔انہوں نے 17 گیندوں پر پانچ چوکوں اور ایک چھکے کی مدد سے 32 رنز بنائے۔عمان نے ہدف دو گیند قبل حاصل کرلیا۔