انہوں نے کہا کہ کرپشن، لاقانونیت اوراستحصالی نظام کا خاتمہ قوم کی نسلوں کو سنوار دےگا، یاسر خان

پیرس (نمائندہ خصوصی، مانیٹرنگ ڈیسک) پاکستان تحریک انصاف کے مرکزی رہنمایاسر خان نے کہا ہے کہ تحریک انصاف کا دور حکومت پاکستان کی تاریخ کا سنہری دور ثابت ہو گا، وزیراعظم عمران خان کی قیادت نے مختصر عرصہ میں تاریخی اقدامات کئے ہیں، سون دن تو ایک چھوٹی سی جھلک تھی اب آگے پاکستان بدلنے کا عمل شروع ہو گا۔

انہوں نے کہا کہ کرپشن، لاقانونیت اوراستحصالی نظام کا خاتمہ قوم کی نسلوں کو سنوار دےگا۔ مگر اس کام میں بہت وقت لگے گا اور حکومت کی نیت صاف ہے اور انشااللہ تعالیٰ اللہ کریم کی مدد سے وزیراعظم عمران خان سرخرو ہونگے اور قوم کی خوشحالی کی منزل قریب آئے گی۔

ملک میں افراتفری پیدا کرنے والے عناصر کو حکومت نے جس طرح شکنجے میں لیا ہے اور جس طرح ان کے سامنے نہ جھکنے کا فیصلہ کیا ہے اس سے قبل دو دو باریاں لینے والوں نے کبھی ایسی ہمت نہیں دکھائی اور نہ ہی اتنے گھمبیر مسائل کو چھیڑا ہے اس لئے مشکلات پیدا ہورہی ہیں مگر آہنی اعصاف رکھنے والے وزیراعظم عمران خان کی ذات ہی ان گھمبیر مسائل سے نبردآزما ہوسکتی ہے