پیرس ( نامہ نگار) پاکستان تحریک انصاف فرانس کے سینئر راہنما یاسر قدیر کا کہنا ہے کہ  پیپلز پارٹی اور ن لیگ سمیت تمام چھوٹی جماعتیں اپنے اپنے صوبائی چورن بیچ رہی ہیں جبکہ پچھلے دس سال کی حکومتیں گواہ ہیں کس طرح چھوٹی جماعتوں نے دونوں پی پی اور ن لیگ کو بلیک میل کر کے اپنے فائدے اٹھائے ہیں ۔ ان کے پاس کسی قسم کا کوئی قومی ایجنڈا نہیں جس کیلئے قوم انہیں پھر آزمائے۔

انہوں نے کہا کہ چیئرمین عمران خان نے تعلیم ، صحت، دفاع، ،داخلہ ، خارجہ سمیت تمام شعبوں کو اپنے منشور میں شامل کر کے جمہوریت کی چیمپئن کہنلانے والی دونوں جماعتوں کو آئینہ دکھا دیا ہے۔ عوام بھی 25 جولائی کے دن ان جماعتوں کو ان کے محدود اور تنگ  خیالات پر رد کردیں گی۔