پی ٹی آئی سیاسی خانہ بدوشوں کی آخری آرامگاہ، نواز کی طرح عمران خان کو بھی اپنے وزرا کی زبان درازی اورجمہوری آداب سے ناواقفیت نقصان پہنچا رہی ہے، یاسمین فاروق

لاہور( نمائندہ خصوصی، مانیٹرنگ رپورٹ) پاکستان پیپلز پارٹی لاہور کی پی آر او یاسمین فاروق نے کہا ہے کہ سیاسی خانہ بدوشوں کی آخری آرانگاہ تحریک انصاف بن چکی ہے، وقت آئے گا جب ریاستی طاقت ہی بنی گالہ کی تجاوزات پر بلڈوزر چلائے گی‘  پی ٹی آئی اس خناس میں مبتلا ہے کہ یہ ملک بنی گالہ کا یرغمال ہے مگر وقت آئے گا جب ریاستی طاقت ہی بنی گالہ کی تجاوزات پر بلڈوزر چلائے گی۔

 انہوں نے وزیر اطلاعات پنجاب فیاض الحسن چوہان کی میڈیا ٹاک پر ردعمل کا اظہار کرتے ہوئے کہا کہ وہ عمران خان تھا جو اپنے خلاف دہشت گردی کے مقدمات سے بھاگا ہوا تھا،عدالت سے اور قانون سے پیپلز پارٹی کبھی نہیں بھاگی حتی کہ پھانسیاں بھی قبول کیں۔انہوں نے کہا کہ چوہان ایک سیاسی خانہ بدوش اور بدتمیز شخص ہے۔