year-old child killer?

لالہ موسیٰ(جمیل احمدطاہر) اسلام پورہ کے رہائشی دس سالہ بچے کے قاتل کون۔۔۔۔۔؟ عوام جاننے اور ان کو عبرتناک انجام تک پہنچتے دیکھنے کیلئے بے تاب ،پولیس کا ابھی کوئی پیش رفت نہیں ہوئی کا روائتی جواب، تفصیل کے مطابق 13اور14مئی کی درمیانی رات اسلام پورہ کے رہائشی دس سالہ ذیشان کو نوگزہ قبرستان کے قریب لے جاکرٹوکے کے وارکرکے انتہائی بے دردی سے قتل کردیاتھا،پولیس نے مقتول ذیشان کے سوتیلے باپ احسان اللہ کو حراست میں لے کرشامل تفتیش کیاہواہے جبکہ ذرائع کے مطابق مقتول کی حقیقی والدہ صائمہ بی بی اور دونوجوانوں کو بھی حراست میں لیاتھا ،لیکن 17روزگزرنے کے باوجودپولیس کی ابھی تک کوئی کارکردگی سامنے نہیں آرہی ،صحافی برادری کی طرف سے تھانہ سٹی لالہ موسیٰ رابطہ کیاجاتاہے تو ایک روائتی جواب کہ ابھی تک کوئی پیشرفت نہیں ہوئی کاموقف سامنے آتاہے ،جبکہ محلہ اسلام پورہ سمیت علاقہ بھرکے لوگ پولیس کے جدیدطریقہ تفتیش اور پیشہ وارانہ مہارت کی بدولت دس سالہ معصوم ذیشان کے قاتلوں کے بارے میں جانناچاہتے ہیںاور ساتھ میں سفاک قاتلوں کو کیفرکردارتک پہنچتے دیکھناچاہتے ہیں۔