yesterday Umrah

شیخوپورہ(بیورورپورٹ)تحریک حمزہ شہباز پنجاب کے سرپرست اعلیٰ چوہدری ظہور احمد بودلہ گزشتہ روز عمرہ کی سعادت حاصل کرنے کیلئے حجاز مقدس روانہ ہوگئے، روانگی سے قبل میڈیا سے گفتگو کرتے ہوئے چوہدری ظہور احمد بودلہ کا کہنا تھا کہ وہ خانہ کعبہ اور روضہ رسول ﷺ پر حاضری کے دوران ملک و ملت کی ترقی و خوشحالی اور استحکام کی دعائیں کریں گے، پاکستان دنیا کے نقشہ پر موجود ایک ایسی واحد ریاست ہے جو اسلام کے نام پر معرض وجود میں آئی مگر بدقسمتی سے آج بعض کرپٹ عناصر اور ملک دشمنوں سے ہاتھ ملا کر دہشت گردی اور بد امنی کو فروغ دے رہے ہیں جس نے ملکی اساس کو ہلاکر رکھ دیا ہے اور عام شہری کیلئے عرصہ حیات تنگ ہوتا جارہا ہے البتہ حکومت اپنی تمام تر توجہ اور توانائیاں عوام کی فلاح و بہبود پر خرچ کررہی ہے جو اس بات کا ثبوت ہے کہ حکمران ملکی ترقی و خوشحالی کیلئے کوئی کسر اٹھا نہ رکھے ہوئے مگر عوام کے تعاون کے بغیر کسی طرح کی کوئی مثبت تبدیلی ممکن نہیں لہذاٰ شہریوں کو چاہئے کہ ایسے تمام تر عوامل کی فوری نشاندہی کرکے متعلقہ حکام کو آگاہ کریں جو کسی بھی طرح سے عوامی استحصال یا ملک اساس کو نقصان پہنچانے کا سبب ہوں۔