پیپلز پارٹی کے شریک چیئرمین اور سابق صدر مملکت آصف علی زرداری کا مختصر نااہل حکومت کا قد اورمختصر کرگیا، زاہد عباس شاہ

برلن( نمائندہ خصوصی) پیپلز پارٹی جرمنی کے صدر زاہد عباس شاہ نے سابق صدر کےقومی اسمبلی سے خطاب کے بارے میں اظہار خیال کرتے ہوئے کہا ہے پیپلز پارٹی کے شریک چیئرمین اور سابق صدر مملکت آصف علی زرداری کا مختصر نااہل حکومت کا قد اورمختصر کرگیا۔   قومی احتساب بیورو ( نیب) کے چیئرمین کو پاکستان کے منتخب نمائندوں کے سامنے بلانے کی تجویز ثائب ہے اس سے پہلے بھی اداروں کے سربراہ قومی ایشوز پر پارلیمنٹ تشریف لاتے رہے ہیں اور آئین کی ایسی تشریحات صرف سابق صدر آصف زرداری جیسا زیرک سیاستدان ہی بیان کر سکتا ہے۔ کیونکہ موجودہ حکومت گورننس کے ساتھ ساتھ آئین سے بھی نابلد ثابت ہورہی ہے۔  قومی اسمبلی میں اظہارخیال کے دوران سابق صدر نے بیٹی ، محترم جیسے الفاظ استعمال کیے جو کہ اس سے پہلے خال خال ہی سننے کو ملے ایسی عزت وتوقیر پر ہم سابق صدر آصف علی زرداری کو خراج تحسین پیش کرتے ہیں۔

انہوں نے حکومت کو جو سبق دیے ہیں حکومت ان سے یکسر نابلد نظر آئی اور حکومتی اراکین کے سروں پر بیٹھے پرندے بتا رہے تھے کہ وہ اپنے استاد سے سبق حاصل کر رہے ہیں۔

سابق صدر نے نیب کے جارحانہ اور ناجائز استعمال کی طرف جو اشارہ دیا ہے موجودہ حکومت کی سب سے بڑی حماقت ثٓبت ہوگی۔

یہ بلاشبہ ایک تاریخی خطاب تھا جس میں انہوں نے کہا کہ جے آئی ٹی سے بلاول کا نام نکالنے پر چیف جسٹس کا شکریہ ادا کرتے ہیں۔ صرف مریم نواز نہیں بلکہ کسی کی بھی بہن بیٹی کو جیل میں نہیں دیکھنا چاہتے۔ نواز شریف کو ریلیف ملنے پر خوشی ہوئی ہے۔