ٹرمپ اور مودی ہٹلر، مسولینی اورملاڈچ سے بڑے دہشتگرد ہیں ، کشمیری حق لے کر رہیں گے، نہ جھکے ہیں اورنہ جھکیں گے، فرزند کشمیر زاہد ہاشممی

پیرس؍اسلام آباد(ایس ایم حسنین) پاکستان تحریک انصاف فرانس کے مرکزی راہنما اور ممتاز کشمیری راہنما زاہد ہاشمی نے کہا ہے کہ ٹرمپ اورمودی  ہٹلر، مسولینی اورملاڈچ سے بڑے دہشتگرد اورفاشسٹ ہیں ۔دنیا اگر ہٹلر اور اندریا مسولینی کے پیروکاروں اور بوسنیا کی جنگ کے دوران جنگی جرائم کے مجرم راتکو ملاڈچ کیلئے عدالتیں قائم کرکے سزائیں دے سکتی ہے تو مودی کیلئے ایسا کیوں نہیں ہو سکتا ہے۔ مودی مقبوضہ کشمیر میں نسل کشی کا مجرم ہے اور تاریخ کا بدترین حکمران ہے جو جمہوریت کے بھیس میں ایک دہشتگرد ہے۔

ٹرمپ اور مودی ہٹلر مسولینی اور ملاڈچ سے بڑے دہشت گرد اور فاشسٹ ہیں جو مسلمانوں کے دشمن ہیں انہوں نے کہا کہ نریندر مودی اور ہندو انتہاء پسند تنظیم آر ایس ایس کو صرف مسلمانوں کا دشمن سمجھنا سنگین غلطی ہو گی، وہ امن کے دشمن اور جنگ کے پر چارک ہیں اور اگر جنگ ہوئی تو اُس سے صرف جنوبی ایشیا ، پاکستان اور کشمیری ہی متاثر نہیں ہوں گے بلکہ دنیا کے اڑھائی ارب انسان براہ راست متاثر ہوں گے،

انہوں نے اقوام متحدہ کی سلامتی کونسل پر زور دیا کہ وہ اپنا ایک اجلاس منعقد کرکے خاموش نہ بیٹھ جائے بلکہ مسلسل اپنے اجلاس بلا کر بھار ت کو کشمیر کے متعلق غیر قانونی اقدامات واپس لینے اور مسئلہ کشمیر کو سلامتی کونسل کی قرار دادوں کے مطابق حل کرنے پر مجبور کرے۔ انہوں نے کہا کہ مقبوضہ جموں و کشمیر میں انسانی حقوق کی پامالیوں کو روکنا، بھارتی قابض فوج کے ہاتھوں کشمیریوں کی نسل کشی بند کرانا مقبوضہ علاقے میں آبادی کے تناسب کو تبدیل کر نے کی بھارتی کوششوں کو روکنا اقوام متحدہ کی سلامتی کونسل کی ذمہ داری ہے۔