Zahid Iqbal Khan

پیرس(عمیر بیگ)جب بھی نیب نے آزادانہ تحقیقات کیں تو پنجاب میں کرپشن کے غیر معمولی انکشافات سامنے آئیں گے ، پنجاب میں راتوں رات امیر ہونے والوں کے پاس پیسہ کہاں سے آیا اس بارے فوری تحقیقات کی جائیں ، ان خیالات کا اظہار پاکستان پیپلز پارٹی فرانس کے صدر زاہد اقبال خان نے ایک خصوصی ملاقات میں یس اُردو سے کیا ، انہوں نے کہا کہ پُل اور سڑکیں تعمیر کر کے گڈ گورنس کا نعرہ لگانے والوں کی حقیقت عوام کے سامنے آچکی ہے،مسلم لیگ ن میٹرو بس اور اورنج ٹرین کے منصوبوں کو اپنی کارکردگی قرار دے رہی ہے، جبکہ ان منصوبوں سے عوام بہت زیادہ متاثر ہوئے ہیں، بھاری سبسڈی دے کر یہ میٹرو چلائی گئی ہے، عوام کو اس منصوبے سے کوئی فائدہ نہیں ہوا ،یہ منصوبہ سرکاری خزانے پر بوجھ ہے