پیرس  ( ایس ایم حسنین، علی اشفاق) پیرس میں بھی جشن آزادی کی اب تک کی سب سے بڑی تقریب کا اہتمام ذائقہ ریسٹورنٹ نے کرلیا۔21 اگست بروز سوموار  تقریبات کا اہتمام کیا گیا ہے جس میں پاکستان کے معروف قوال استاد آصف علی سنتو آواز کا جادو جگائیں گے۔ ان کے علاوہ بہت سے دیگر فنکار بھی اپنی صلاحتیوں کا مظاہرہ کریں گے،

جشن آزادی کے شاندار پروگرام کیلئے سیاسی و سماجی شخصیات اور پاکستانیوں کی بڑی تعداد کی آمد متوقع ہے کیونکہ پہلے ہی تمام ٹکٹ فروخت ہو چکے ہیں اور انتظامیہ کی طرف سے اضافی مہمانوں کیلئے انتظامات کا آغاز کر دیا گیا ہے اس سلسلے میں عمیر ملک اور یونسن میمن صاحبب نے یس اردو کو بتایا کہ تقریب کے تمام انتظامات مکمل ہیں اور بڑی تعداد میں شائقین نے بکنگ مکمل کرالی ہے۔

انہوں نے کہا کہ جشن آزادی ذائقہ ریسٹورنٹ کی پہچان ہے اور ہر سال کی طرح اب بھی ہم نے اس شو کو خصوصی توجہ سے ترتیب دیا ہے  ہمیں پاکستان کے آگے بڑھتے ہوئے سفرکو پرامن اور مضبوط بناناہے۔