آرمی چیف جنرل راحیل شریف نے کہا ہے کہ آپریشن ضرب عضب نے ملک میں امن وترقی کی مضبوط بنیاد رکھی ہے،طلبہ ملک کو نئی

Zarb e azab laid a solid foundation of peace and development, Army chief

بلندیوں تک لے جانے میں اہم کردار ادا کرسکتے ہیں۔

آرمی چیف نے گورنمنٹ کالج یونیورسٹی لاہور کا دورہ کیااور اپنی مادر علمی میں طلبہ اور اساتذہ سے ملاقات کی، اس موقع پر خطاب کرتے ہوئے جنرل راحیل شریف نے کہا کہ گورنمنٹ کالج یونیورسٹی لاہور نے عالمی سطح کے دانشور، فنکاراورسائنسدان پیدا کرنے میں مرکزی کردار ادا کیا ۔

آرمی چیف جنرل راحیل شریف نے کہا کہ طلبہ اللہ پر یقین رکھتے ہوئے سخت محنت کے ذریعے عزت اور وقار کے لیے جدوجہد کریں،پاکستانی ایک عظیم قوم ہیں اور افرادی قوت ہمارا اثاثہ ہے۔

آئی ایس پی آر کے مطابق آرمی چیف نے اپنے دور طالب علمی کی یاد تازہ کرنے کے لیے مختلف شعبوں کا دورہ کیا اور طلبہ کی بہترین تعلیم و تربیت پر اساتذہ اور انتظامیہ کو خراج تحسین پیش کیا۔