پیرس ( نمائندہ خصوصی) پاکستان بھر کی طرح فرانس میں بھی شہید بھٹو کی جمہوری حکومت کا تختہ الٹنے کیخلاف جیالوں کا یوم سیاہ، ضیا آمریت تاریخ کی وحشیانہ اور بربریت سے لبریز بد ترین آمریت تھی پاکستان پیپلز پارٹی کے سابق چیف آرگنائزر قاری فاروق احمد فاروقی نے کہا ہے کہ پاکستان کی طرح دنیا بھر میں  5 جولائی کے مارشل لائ کو جیالے تاریخ کا بد ترین مارشل لائ قرار دے کر یوم سیاہ منائیں گے۔  بھٹو حکومت کا تختہ الٹنے کے خلاف پیپلز پارٹی کے آج  یوم سیاہ پر پیپلز پارٹی کی پہلی حکومت کی غیر آئینی اور غیر قانونی برطرفی کے آج 41 سال مکمل ہوگئے۔آج سے اکتالیس سال پہلے ایک آمر نے جمہوریت پر شب خون مارا تھا۔آج اس کا نام و نشان تک مٹ چکا ہے۔جبکہ بھٹو اور بھٹوازم آج بھی زندہ ہے۔ جئے بلاول جئے بھٹو ۔ تم کتنے بھٹو ماروں گے ہر گھر سے بھٹو نکلے گا۔